منتديات قلعة صالح

برامج,العاب,شروحات,وكل ما يحتاجه المستخدم
 
الرئيسيةالرئيسية  التسجيلالتسجيل  دخولدخول  

شاطر | 
 

 ياهوى ألجلعه من أشمك / للشاعر علي كاظم درجال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحاج علي الحاج كاظم
عضو فعال
عضو فعال
avatar

ذكر
عدد الرسائل : 35
العمر : 68
من اي بلد انت؟ : العراق
ما هي وضيفتك؟ : موظف
ما هي هوايتك؟ : الادب العربي
   :
تاريخ التسجيل : 10/11/2010

مُساهمةموضوع: ياهوى ألجلعه من أشمك / للشاعر علي كاظم درجال   الجمعة نوفمبر 12, 2010 3:37 am

ياهوى الجلعه أمن شمك ** وانه عابر عالجسر
أنسه كل هم العليه ** وأسكر بليه خمر
ــــــــــــــــ
تمشي روحي اويالجرف
نغم صفصاف بلطف
الماي بزلوفك يحف
يالجمالك كله سر
*****
ياهوى الجلعه اشحلاتك ** وانت طيب ادري بيك
تملي رياتي محبه ** وانت بايع وأشتريك
ــــــــــــــ
أه ياريحة أهلنا
ياحزنا ويافرحنا
والمنازل غدت جنه
ياوطن كلك سحر
*****
ياهوى الجلعه سلاما ** عالوجوه الباسمات
ياتمر خستاوي طيب ** من نخيل ألبهضات
ـــــــــــــــــــ
يامنادي بظل جرفنا
ياشعر مصبوغ حنا
ياكحل بعيون أهلنا
انت بعيوني قمر
*****
أنت بعيوني محنه ** وطلتك طيب أو وفا
انت جنه بعيني واكبر ** انت موقد ماطفه
ـــــــــــــــ
انت سالوفه قديمه
معضد بمعصم حليمه
صرتي بعيوني يتيمه
من نويتي أعلى السفر
*****
ياهوى الجلعه عذابي ** وحيرتي بديار غربه
ياحسافه العمر غرب ** وأنقفل درب ألمحبه
ــــــــــــــــــــــــ
ضعنا تيهنا دربنا
ولاأكلنا ولاشربنا
وصار للشامت زرعنا
وضاع ياوسفه الثمر
*****
ياهوى الجلعه سلاما ** من تروح ومن تجي
مثل روجات ألمشرح ** من تميل أو تنتجي
___________
روجه مليانه محنه
وروجه معجونه ابدمعنه
صرتي نار بوسط جنه
ياحياتي امن الكدر
======================
للشاعر علي كاظم درجال
[center]
الرجوع الى أعلى الصفحة اذهب الى الأسفل
 
ياهوى ألجلعه من أشمك / للشاعر علي كاظم درجال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قلعة صالح  :: القلعه الادبيه :: قسم الشعر الشعبي-
انتقل الى: